ابيدجان: المغترب الشاب علي شور يعلن اصابته بـ كورونا ويؤكد في شجاعة كبيرة ... 'لا اريد العودة الى لبنان لكي احمي ابناء بلدي من العدوى وعلى الدولة الاهتمام بالمغتربين'
تاريخ النشر : 29-03-2020
في منشور على صفحته على فايسبوك، اعلن المغترب الشاب علي شور، صاحب مطعم لاتيراس في ابيدجان، عن اصابته بفيروس كورونا مؤكداً انه الان يلتزم الحجر المنزلي ومعلناً في شجاعة كبيرة ورغم ضعف الامكانيات الطبية في ابيدجان بأنه لا يرغب بالعودة الى لبنان لكي يحمي اهله وناسه ولا يتسبب بنقل العدوى اليهم داعياً في ذات الوقت الدولة اللبنانية لكي تهتم بأبنائها المغتربين.

ونال موقف المغترب علي شور تقدير وثناء الكثيرين لشجاعته وصراحته وابدوا كل التعاطف معه والدعم له في معركته مع كورونا متمنين له الشفاء العاجل والتام.

ولاحقاً نشر ما يلي:

يا ريت الكل يوصل الصوت مرة تانية.

مبارح صرخنا كرمال عودة المغتربين وخاصة أفريقيا لأن التجهيزات ضعيفة بهيدي البلاد والحمدلله الصوت وصل بفضل كل واحد منكن تفاعل مع الخبر.

أنا مبارح لما حكيت كان لأن شب معي بالشغل وقرايبي طلع معو الفحص ايجابي وحسينا انو صعبة الواحد بالغربة تصير معو وفي اسباب تانية بتحفظ على ذكرها خلتنا نتوجه لهيدا المطلب اليوم طلعت نتيجة فحصي وطلعت كمان ايجابية والحمدلله على كل شي وشو ما بدو يصير الله هوي المعين.

انا اليوم بجدد طلبي تعجل الدولة تاخد القرار ويلي حابب يروح لأن بجد شعور ما حلو ومن دون دراما نحنا بحاجة لقرار سريع مع اتخاذ إجراءات الحماية لأهلنا بالبنان وما يكون عليهم أي ضرر.

أنا شخصياً لأني مصاب برفض انو انزل كرمال ما كون سبب لأي شخص تاني بس همنا بالناس يلي بعدها بخير ما تعيش هيدا الشعور وخاصة بالبعد.

كتير أئمن لما يجي دكتور ابن بلدك يحكيك ويقلك شو لازم تعمل أو تقدر تتصل لأي وسيلة اعلامية توصل صوتك أو حتى انك تكون قريب من أهلك هيدا المرض بحسسك بالمجهول وهوي شعور بشع لذلك خففوا على المغترب يلي هوي قوة لبنان انو يحس هيك احساس.

الشكر لدولة الرئيس يلي كان أهم المبادرين والصوت الأقوى وبانتظار سماحة السيد بعد شوي يلي أكيد الموضوع من الأولويات عندو ولكل حدا اهتم أو شارك هيدي القضية مين ما كان يكون.

   

اخر الاخبار