إبقى ببيتك وسكر بابك .. بقلم الأستاذ عدنان ح. أبو خليل

تاريخ النشر : 18-01-2021

بقلم الأستاذ عدنان ح. أبو خليل
إبقى ببيتك وسكر بابك

إبقى ببيتك وسكر بابك
حد مرتك وقرب أولادك
هني وحدهم يبقوا قبالك
ولما يدق جارك بابك
قلله شو اللي جابك؟
إنسى صحابك وكل رفاقك
كورونا قاتل خلي ببالك!

كورونا قاتل حسيب حسابك
بلحظة بيخطف إغلى أحبابك
رب السما يحمي أولادك
إبقى ببيتك وسكر بابك!
صلي وإدعي وإقرأ كتابك
وإطلب الرحمة يوم حسابك
هو عارف هم بلادك
رب الرأفة حامي أولادك
سلم أمرك هو شايفك
الخير منه بيوصل بابك

إرحم نفسك وإرحم غيرك
الأم بتصرخ والبي بيبكي
خلي الصورة هيده ببالك
مش نكتة سمجة وبيخة
كورونا قاتل صحح حسابك
إبقى ببيتك وسكر بابك!