| الشاب 'محمد' خسر زوجته وطفليه الصغيرين في رحلة مشؤومة... ما رواه عن آخر ما قالته له زوجته مؤثر (فيديو وصور) |
| تاريخ النشر : 17-09-2022 |
"كتب المهندس محمد برجس الذي فقد عائلته بالكامل غرقا:
انا مهندس متزوج وعندي ولدين موظف وبشتغل بعد الوظيفة شغل تاني ... عم اشتغل من الصبح المسا وماعم اقدر طالع أجار بيتي وحق اكلي
من فترة طلع براسي فكرة السفر وشجعني عليها اخواتي واصهوراتي لانهم هنن كمان حابين يطلعوا لبلاد برا
بعت البيت والعغش ودهبات مرتي وأهلها ساعدوني بكم ليرة
رحت عندي امي منشان ودعها .. امي عمرها 75 بس لما لفتني حسيت اديها عصروني عصر مابعرف من وين جابت هل القوة وكأنها عم تحاول تخليني جوات صدرها منشان ما سافر
اطلعنا من #لبنان بقارب باتجاه #ايطاليا بالطريق مرتي نامت شوي وبعد مافاقت قالت انو هي حلمت انو هي والاولاد بأرض خضرا وحلوة كتير بس انا ماكنت معهم
ونحن بالبحر اتعطل المحرك لانو كان فيه مشكلة بالمازوت وبعد فترة اجا خفر السواحل اليوناني وبلشو عياط وربطوا القوارب لسفينتهم و طالعونا على السفينة واخدو مننا الشناتي والموبايلات وكل شي معنا مصاري وضلينا بالسفينة حوالي 5 ساعات حتى مي لنشرب ماعطونا وبعد 5 ساعات نفخو متل القارب ونزلولنا بس انا وعيلتي واقربائي كنا آخر شي نزلنا ماشفت الا زتونا زت بالقارب ودوروا السفينة بسرعة وبهل الدورة
ماشفت الا موجة قوية اجيت على القارب وخلال 3 دقايق كنا بالبحر عم نغرق انا كنت ماسك اولادي الاتنين بقوة لدرجة كنت غارس اضافري بجسمهم غرز وقتها اتذكرت ضمت امي القوية الي منشان ما روح وسافر بس انا كنت غارز ضافيري فيهم منشان ماياخدهم الموت مني
مرتي كانت جنبي وعم تطلع فيني نظرة فيها الف سؤال والف حكاية
اطلعت فيها وقلتلها :سامحيني
مرتي: انت أعظم زوج واب بالعالم كله المهم امسك بولادنا منيح هيدول املنا وكل هل الطلعة منشانهم
ضليت طول الليل بالبحر وانا ماسك اولادي ومرتي عم نكافح لنعيش وانا شايف كيف العالم عم اتموت من حوالي
وضليت هيك للصبح وبالاخر اجيت موجة واخدت مرتي وما عدت شفتها صرت اندهلها وعيوني وقلبي عم يبكو لانو مو قادر اعمل شي وبعد شوي اجيت موجة واخدت الولد الأول وانا متل المضروب على راسو ومو عرفان شو بدي اعمل وبالاخر حسيت انو ابني يلي حاضنو بدون حركة ولانفس
من بعيد شفت مركب حاولت اسبح لعندو وانا جارر ابني من رجليه وانا كلي امل انو حاول انقذ آخر قطعة من روحي
اطلعت بالمركب وحاولت انقذ ابني واعملو تنفس بس للاسف ابني كان ميت.
هون صرت أصرخ متل المجنون
انا: يالله انا يلي جبتهم على الموت انا بس كان بدي عيشهم عيشة منيحة وابنيلهم مستقبل منيح بس يلي صار اني اخدتهم من الموت البطيء للموت السريع منشان الله سامحوني.
انا مهندس متزوج وعندي ولدين موظف وبشتغل بعد الوظيفة شغل تاني ... عم اشتغل من الصبح المسا وماعم اقدر طالع أجار بيتي وحق اكلي
من فترة طلع براسي فكرة السفر وشجعني عليها اخواتي واصهوراتي لانهم هنن كمان حابين يطلعوا لبلاد برا
بعت البيت والعغش ودهبات مرتي وأهلها ساعدوني بكم ليرة
رحت عندي امي منشان ودعها .. امي عمرها 75 بس لما لفتني حسيت اديها عصروني عصر مابعرف من وين جابت هل القوة وكأنها عم تحاول تخليني جوات صدرها منشان ما سافر
اطلعنا من #لبنان بقارب باتجاه #ايطاليا بالطريق مرتي نامت شوي وبعد مافاقت قالت انو هي حلمت انو هي والاولاد بأرض خضرا وحلوة كتير بس انا ماكنت معهم
ونحن بالبحر اتعطل المحرك لانو كان فيه مشكلة بالمازوت وبعد فترة اجا خفر السواحل اليوناني وبلشو عياط وربطوا القوارب لسفينتهم و طالعونا على السفينة واخدو مننا الشناتي والموبايلات وكل شي معنا مصاري وضلينا بالسفينة حوالي 5 ساعات حتى مي لنشرب ماعطونا وبعد 5 ساعات نفخو متل القارب ونزلولنا بس انا وعيلتي واقربائي كنا آخر شي نزلنا ماشفت الا زتونا زت بالقارب ودوروا السفينة بسرعة وبهل الدورة
ماشفت الا موجة قوية اجيت على القارب وخلال 3 دقايق كنا بالبحر عم نغرق انا كنت ماسك اولادي الاتنين بقوة لدرجة كنت غارس اضافري بجسمهم غرز وقتها اتذكرت ضمت امي القوية الي منشان ما روح وسافر بس انا كنت غارز ضافيري فيهم منشان ماياخدهم الموت مني
مرتي كانت جنبي وعم تطلع فيني نظرة فيها الف سؤال والف حكاية
اطلعت فيها وقلتلها :سامحيني
مرتي: انت أعظم زوج واب بالعالم كله المهم امسك بولادنا منيح هيدول املنا وكل هل الطلعة منشانهم
ضليت طول الليل بالبحر وانا ماسك اولادي ومرتي عم نكافح لنعيش وانا شايف كيف العالم عم اتموت من حوالي
وضليت هيك للصبح وبالاخر اجيت موجة واخدت مرتي وما عدت شفتها صرت اندهلها وعيوني وقلبي عم يبكو لانو مو قادر اعمل شي وبعد شوي اجيت موجة واخدت الولد الأول وانا متل المضروب على راسو ومو عرفان شو بدي اعمل وبالاخر حسيت انو ابني يلي حاضنو بدون حركة ولانفس
من بعيد شفت مركب حاولت اسبح لعندو وانا جارر ابني من رجليه وانا كلي امل انو حاول انقذ آخر قطعة من روحي
اطلعت بالمركب وحاولت انقذ ابني واعملو تنفس بس للاسف ابني كان ميت.
هون صرت أصرخ متل المجنون
انا: يالله انا يلي جبتهم على الموت انا بس كان بدي عيشهم عيشة منيحة وابنيلهم مستقبل منيح بس يلي صار اني اخدتهم من الموت البطيء للموت السريع منشان الله سامحوني.
| Tweet |  |
.jpg)
